Salin

Tagumpay ng Lahat

“Winners All” ni Ophelia A. Dimalanta
salin ni Manolito C. Sulit
Musika ni Tonton Africa

Laro lamang ito ng magkakaibigan
Hindi isang laban ng buhay o kamatayan;
Manalo ka ngayon, o matalo bukas,
Putong ng tagumpay, sinong magsusukat?

Umaalingawngaw sa iyong ulunan
Ang laksang sigawan patungong tagumpay;
Hihigtan pa kaya ang kaba ng dibdib
Niyong naghahangad sa laba’y manaig?

Panalo ka pa rin, kahit na malugmok,
Basta’t di umurong sa pakikihamok;
Dahil may higit pang labang aabangan,
Susubok sa loob, diwa’t katatagan.

Manalo-matalo, lahat nagwawagi,
Lalong lumalakas sa bawat sandali;
Pagsapit sa yugtong pinananabikan—
Huwag panghinaan, yao’y puntos lamang!

0 0 vote
Article Rating
Subscribe
Notify of
guest
0 Comments
Inline Feedbacks
View all comments
error: Content is protected !!
0
Would love your thoughts, please comment.x
()
x